Jekhetane mamuj o rasizmo. Potpisin e peticija solidaritetoski!
Uljavas tumencar tumaro dukh. Uljavas tumencar tumari žalost.
Akate ande Evropa, amare manuša, e Rroma, sas brutalno terorizirime ando jekh čhand. Sar so e policija ando Mineapolis mudardas e George Floyd, avakha vi e policajcura ande Čehija mudarde e Rrom, e Miroslav Demeter, anglal štarto brš. Miroslav sas 27 bršengo, thaj lesko mudaripe nakhlo bi kazna.
Adjes ačhas jekhetane tumencar ande globalno borba protiv e nepravda, rasističko ugnjetipe, institucionalno rasizmo thaj policijsko brutalnost. Sam jekhetane ande borba protiv rasističke sistemura e zorake, save śel brš ugnjetinde amaro narodo.
Uljavas tumencar tumari odlučnost ande borba vaš sloboda thaj pravda. Jekhetane sam protiv e rasistura, e parne supremacija, neonacistura, ekstremno desnica thaj autoritetura ando savo god čhand.
Sam tumare rigate ande borba vaš maj svetlo anglunipe amare čhavorrengo — mangas mir, antirasistička thaj inkluzivna društvura save si kerde pe uzajamno poštovanje, pravda, jednakost thaj mangipe.
Tumari borba si vi amari borba.