Mothodin anda amende

Ame sam foronesko pokret Opre Roma Srbija. Bijando ando 2019. brš. sar o palpale svato katar o socijalno bijekhipe savjasa marelpe o Rromano amalipe. Amaro pokret si Rrom andaj sa kotora katar e Srbija sar vi gadže save kamen mištipe Rromane amalimaske ande Srbija. Amaro moto si: “Mišto palaj Rrom, Mišto palaj Srbija” thaj kodole gindosa ande amaro pokret šaj avel sa jekh savo paćal ande indeja katar o anglunipe Rromane amalimasko savo si vi anglunipe palaj Srbija. Najsam kotor katar ći jekh politikani rig. Ame sam kotor katar e mreža transnacionalne pokreturja save bućaren pen palav foronesko than e Rromengo ando politikano trajo trujal Evropa. Ažutisarrde sam katar e Kancelarija palaj Rromane inicijative andaj Fondacija katar o putarrdo amalipe.

E kamlimata palav bućaripe amare dženenge thaj aktivistonenge si butisarrne, de kataro rodipe thaj zuravipe Rromane indentitetosko dži kav haravipe katar e fulavimata thaj predrasude andral o amalipe. Koja so si savorrenge phanglipe si bućaripe palav zuravipe Rromane indetitetosko thaj gindosa palav savorrengo mištipe. Amen pizda o haćaripe katar o pripadnost thaj kamlipe palav maj baro bućaripe thaj ažutimos Rromane amalimaske.

2019 Pokreto bijando

12M+ Roma ande Europa

EU Networko ande Europa

100% Nezavisno pokreto

Opre Roma Srbija

Sar bijandiljam thaj save griženca maladam amen?

Amaro pokret kerrdine terrne Rrom thaj Rromnja, entiziusturja thaj patriote save sas kotor katar e akademija palaj Rromane liderja Barvalipe. Amen aviljam ande vrjama katar e izazovurja thaj bare griže, kana sas o lačho thaj paćivalo šerutnipe trubultano maj but de ande sa jekh vrjama maj palpale thaj savo da zor avrenge te dzan kodole dromesa. O protest ado 2. avgust 2019. brš da barval ande phaka te bućaras amen vi maj but thaj das ažutimos amare phralenge tja phejange ande Italija thaj Ukrajina. Ande kodola phuja thaj vi intrego Evropa džungadolpe e ekstremno ćaćuni rig savi krisarel andaj anti Rromane politike. Kale protestvosa dam vas amare amalimas ande italija thaj Ukrajina thaj vi kadja sikadam o transnacionalno phanglimos Rromane amalimas ande Evropa. Po protest sas 1000 barikane Rrom thaj Rromnja. E energija po protest sas kadići zurale kaj dam o gindo ke amen trubul vareko ko kodoja energija vorrtarela. Amare teljarimata sas phare andaj bari bi paća katar o Rromano amalipe aj o produkt si bi ažutimos katar e institucije po amaro akharipe. O gindo katar o pokret si te kerel svato amalimasa thaj kadja ankalel e predimata save po gor andonape kaj kola save čhinaven. O metodo thaj pašol si nevo thaj kamas te kodoja avel ažutimos amare amalimas a na pharimos. Putarrdimos thaj prilika savi dam, a kodoja si te e Rrom čhinaven korkorro pala pende sikavel averdžanglunimos avrendar. Sikadam ke o krrlo Rromane amalimasko šaj ašundol pes thaj anel averdžanglunimata.

Ame sar o kotor katar o transnacionalno pokret

Ame sam 12 milionurja trujal Evropa thaj sam maj bari nacionalna manjina, maj bari katar butimaske phuja. Rromane amalimas naj phu, al sam jekh narodo, thaj kazom godi aver kamle te fulaven amen ame sam jekhisarrne thaj bi fuladimaske. Andav amaro butipe ande Evropa šaj andav politikano marimos keras maj lačho than kaj amare phuja. O transnacionalno pokret dikhas saro firo savo phandel e Rromen andaj intrego Evropa thaj bućarel pes po transnacionalno thaj nacionalno niveli. Pašaj kodoja bućarel pes saro kanali palav sugo fulavari katar e informacije andav jekh amalipe katar jekh kotor andaj Evropa dži kav aver kotor ande aver than ande Evropa sikavimasa kataro phanglimos Rromane amalimasa thaj solidarrnost.

Andaj soste sam averdžanglune thaj pala soste maras amen?

O Opre Roma Srbija sikada putarrdimos, barjaripe thaj vorrtimasko than savorrenge. Amare ciljurja si lungone te nakhavas amare pozicije ando amalipe dromesa katar o politikano maripe ande phuja kaj traisaras.

Dzanas ke sa” Rromane pušimata “ si posledica katar o dulmutimsako rigaripe amare amalimas katar e politikane thaj javne buća ande phuja kaj sam foroneske. Vi pašaj 1000 brš katar amaro avilipe andaj Indija, e Evropa ći lja amen sar pesko phanglo kotor, aj amare phuja dikhen amen sar e vizitoren save si rigarrde avrendar. Intrego ćorripe, bi-bućaripe, diskriminacija, kriminalizacija katar amare manuša avel avel andav gindo ke samas rigarrde katar o Evropako amalipe ande maj palune 1000 brš. Aj adjes sam svedokurja ke kava rigaripe si slabome katar amare phuja thaj intrego Evropa. E palune krize save sas sikade ke bi amengo ( Rromane amalimasko ) thaj limasko katar amari zor, ande Evropa naj ekonomsko barjaripe. Ame sam maj terrno thaj baro sugo barjarimasko Evropako amalipe. Amen sam maj carra lino ekonomsko zuralipe saves e Evropa si. Amen sam maj mirrno amalipe ande Evropa dži kaj 1000 brš.

Amare pokreturja bućaren pes dimasa katar o šaipe e manušenge te thon than ande politika thaj utičin ande politikane čhinadimata save keren lengo trajo. Maras amen protiv katar e pacala sikavimasa katar e troma thaj barikanipe. Maras amen protv propaganda sikavimasa katar o ćaćipe. Maras amen protiv e dar sikavimasa katar e nada.