Nevi vizija e zoraki savi e Rroma vodin

Tokom maj but katar trin decenije, Fondacija vaš Otvoreno Društvo sas vodeći privatno donator ande istorijska borba te obezbedil pe kaj procenisime 12 milionura Rroma save dživdin ande Evropa te oven len iste šanse vaš uspeh sar vi sa aver manuša.

Međutim, katar naredno brš, Fondacija vaš Otvoreno Društvo ka nakhel pe drugačiji pristupo — ka usmeril piro finansiranje pe jekh, potpuno nevi institucija savjaja ka upravljin e Rroma: „Romska Fondacija vaš Evropa“.

Fondacija vaš Otvoreno Društvo opredelisardas 100 milionura evra podrška vaš funkcionisanje akale neve fondacijako dži krajo e decenijako, ali nevi fondacija takođe ka prikupljal love vi katar aver donatorura.

So si akaja nevi fondacija? Thaj soske akana osnivil pe? Prvo, nekoliko osnovne informacije.

Angle peripe e Berlinsko zidosko ando 1989. brš, evropske phuvja relativno cikno obraćasarde pažnja pe Rroma. Ali peripe e zidosko, thaj naknadno širenje e Evropska Unijako prema istoko, promenisarde kaja situacija, phutardas nekadašnje komunističke phuvja jugoistočna Evropa — kher bare delosko katar najviše marginalizime romske zajednice ande Evropa.

O odgovor uključisardas prvo višenacionalno napor te podržin pe e Rroma ande Evropa, kroz Dekada e Rromengi, savi pokrenisardi ando 2005. brš katar više institucije, uključujući Svetsko banka, UN-ov Fondo vaš razvoj thaj Fondacija vaš Otvoreno Društvo. Duvanaest vlade obavezisarde pe te barjaren revolucionarne politike thaj te izdvojin javna sredstva vaš poboljšanje uslovi dživdipaske e Rromenge maškar 2005. thaj 2015. brš.

Međutim, duj značajne udarura osujetisarde Dekada e Rromengi. Prvo, palo kodo kana phuvja kandidatkinje vaš članstvo ande EU katar istočna Evropa obezbedisarde članstvo, više na osećisarde potreba te sikaven usklađenost e kriterijumencar vaš članstvo ande EU pe tema e manušikane hakajengo thaj hakajengo manjinenge, save sas osnova e vizijaki maj lačhe anglunipaski savi nudisardas iniciativa.

Dujto, posledice finansijska kriza katar 2008. brš, obeležime smanjenjem javna potrošnja, osakatisarde Dekada e Rromengi, uprkos najlačhe namere thaj zajedničke naporura nekoliko romske borcengo ande vlade. Krajnjo rezultato sas kaj gotovo na kerdilo progreso prema završavanju duboko ukorenime ekonomska thaj socijalna isključenost e Rromengi.

Umesto kodo, političke uslovi vaš delovanje pogoršisarde pe. Katar 2008. brš, evropska politika pomerilas pe desno, zbog niza faktorura save na sas povezime e Rromencar — uključujući uticaj politike štednje, uticaj terorističke napadengo thaj talaso migracijengo prema južne granice Evropa. Pe akava nevo političko pejzažo, političke oportunistura počnisarde potpuno te ignorišin ili, ando najgoro slučajo, te napadin e Rromen, smanjujući šanse kaj politika EU prema Rromenge te kerel značajno razlika pe nacionalno nivelo.

Kroz sa akava, Fondacija vaš Otvoreno Društvo nastavisardas te ovel najbaro privatno donator vaš maj lačho dživdipe e Rromengo. Akava sas najpre pokrenime thaj vođime katar amaro osnivačo Džordž Soroš tokom 1990-te brša.

Fondacija vaš Otvoreno Društvo fokusirisardas pe podrška razvojo romsko liderstvo thaj učešće, ističući ključne pučipa sar zaštita hakajengo, razvoj čhavorrengo ando rano detinjstvo, pristup javno obrazovanjake thaj sastipase, thaj romska kultura.

Fondacija vaš Otvoreno Društvo podržisardas romsko građansko učešće kroz stipendije vaš univerzitetura, prakse thaj obuke vaš zagovaranje, dok istovremeno podržisardas romske građanske inicijative vođime katar e Rroma. Ande poslednje brša, e pogoršanjem evropsko političko pejzažo, akcento Fondacijako vaš Otvoreno Društvo pe razvoj neve romsko liderstvo postanisardas još maj izraženo.

Svakako, na dželo sa sar sas planirime; naučime si lekcije pal kodo sar isključivo zavisnost katar spoljašno finansiranje šaj te stvoril preterano zavisnost thaj te smanjil odgovornost aver zainteresovane rigenge.

Ipak, trin činjenice ačhen nepromenime: podrška Fondacijaki vaš Otvoreno Društvo sas ključna ando razvoj romske organizacijengo thaj ando zagovaranje romske interesonengo; podrška Fondacijaki vaš Otvoreno Društvo barjardas broj obrazovime Rromengo; thaj podrška Fondacijaki vaš Otvoreno Društvo pojačisardas posvećenost Rromenge kod međunarodne, ali vi nacionalne kreatorura politikengo.

Međutim, iako nasleđe Fondacijako vaš Otvoreno Društvo naj uporedivo ni e nesosa, vaš e Rroma suštinski najvažnije sas thaj ačhel kodo kaj e Rroma šaj korkoro te vodin borbe ando zagovaranje romske interesonengo. Istovremeno, konteksto dramatično promenisardas pe, pa vi sama borba thaj pro-romska zagovaračka politika trubun te promenin pe.

Thaj kodo anel amen dži nevi Romska Fondacija vaš Evropa.

Najvažnije, nevi fondacija, savi ka vodin e Rroma, ka anel nevo thaj maj baro nivelo vizijako, strategijako, ekspertizako thaj mrežako, savi na samo prepoznail izazovura save ačhen anglal e Rroma, nego vi gradil pe amare zoralipa thaj amare potencijalura.

Akala zoralipa uključuin demografija e Rromengi ande demografski sve maj phuri Evropa, posebno ande istočna thaj južna Evropa kaj populacija već opadil. Zajedno, 12 milionura Rroma predstavljin buduće radnikura thaj buduće biračura — naglašavajući važnost kaj inicijative povezime e Rromencar na te dikhen pe sar dobrotvorno buti thaj humanitarne troškura, nego sar investicije ando anglunipe.

Takođe ka težis te koristis, ando najlačho smisao, sar resurs izvanredno istorijsko otpornost e Rromengi. Amare manuša preživisarde srednjovekovno progon thaj preživisarde Holokausto. Adjes trpina akte nasiljeske thaj kulturološke potčinjenosti bi kodo te pribegnin upotreba nasiljeski ili oružane sukobenge. Amare zajednice prilagodisarde pe dživdipaske gotovo ande sako evropsko phuv, čhib thaj kultura.

Nevi fondacija isi la cilj te iskoristil akala amare lačhe kvalitete, mobilizujući najlačhe osobine amare zajednicake.

A amari širjo, hrabro ambicija ka protežil pe vi avri katar e Rroma. Ponudisara rešenja vaš rastući nedostatak radna zoraki, das doprinos ekonomskom oporavkake thaj zeleno thaj digitalno tranzicijake Evropa. Romska Fondacija vaš Evropa ka promovišil kohezija, međusobno poštovanje thaj solidarnost ande društva save postajina opasno kulturološki polarizime.

Ka keras buti e romske zajednicencar kaj te phagas strukture predrasudengo, korupcijako thaj represijako save omogućin zloupotreba romske biračengo.

Romska Fondacija vaš Evropa na ka zamenil postojeće lokalne inicijative niti ka zasenil aver entitetura save pratin slične ciljeve. Našti te preuzmil uloge vladengo, međunarodne organizacijengo, preduzećengo thaj medijengo — sa von si ključne vaš sistemska promena dživdipasko e Rromengo.

Umesto kodo, Fondacija ka sarađuil sa savorencar save delisaren amari vizija: te postavin temelje, ako kamen avakha te phenel pe, vaš obnovime Evropa savi zagovaril jednakost, pravda thaj fer odnos prema sa pire građanenge.

Fotografija: Željko Jovanović, ando maškar, thaj aver romske liderura thaj aktivistura marširin ande Bukurešt, Rumunija, ko 18. maj 2019. brš. ©Aresel/Gabriel T. Balanescu