Tragedija pe Čukarica još uvek si nevidljivo vaš e gradonačelnikosko Beogradesko – ORS rodel ostavka
Sar so si džanglo, ko 12. mart, ando beogradsko romsko naselje pe Čukarica, avilo dži nesrećno slučajo, kana prilikom eksplozija e dalekovodoski šovoro čhavorre zadobinde phare povrede ande forma opekotine, a katar posledice akale povredengi jekh čhavoro vi merdas.
Pored kodo kaj javnost na džanelas pal o događaj, amen trudisardam amen te keras akaja tema vidljivo, so pe krajo vi uspeisardam. Ando okviru niza aktivnosti save podrazumevinde svakodnevno komunikacija e manušencar katar o naselje, džaipe ando naselje, svakodnevno komunikacija e klinikaja, probijanje ande medije thaj aver, o pokreto pal akava problem obavestisardas e Poverenicake vaš ravnopravnost, ali vi e ministroske e sastipaske Zlatibor Lončar, sar vi e gradonačelnikoske Beogradeske, dr Zoran Radojičić.
Iznenadime sam odnososa e medijengo, deo institucijengo, ali vi društvosko prema akaja tragedija. Katar kodo kaj manuša na kamle te ačhen thaj te odvedin e čhavorren ande bolnica, kaj hitna pomoć gindisardas kaj neko šajil pe, dži iskrivljime medijsko predstavljanje e događajosko, ali vi dži ignorisanje thaj ćutanje katar određene institucije save amen, građanura akale phuvjake, ovlastisardam te rešuin avakhe problemura thaj te omogućin bezbedno dživdipe sakone katar amende.
Amen sar Pokreto pokušisardam te odgovorisaras pe akala negativne fenomenura, so uključivisardas niz javne saopštenja, ali vi uručivanje otvoreno lil sa e medijenge. S obzirom kaj pretpostavisardam kaj vaš akaja nesreća egzistiril odgovornost određenih nadležnih institucijengi, thaj kaj bi kodo potkrepilisardam dokazencar, bičhaldam dopis Sekretarijatoske vaš zaštita e životna sredinaki. Takođe urgirisardam ko Gradsko centro vaš socijalno buti e foro Beogradesko kaj urgentno te rešisarel pe pučipe e sahranako e preminulo čhavorreske.
Sar so e nezgoda desisardas pe područje Beogradesko, bičhaldam dopis e gradonačelnikoske e foro Beogradeske vaš hitno zakazivanje sastanko, kaj te rešisarel pe pučipe e stanovnikurengo akale naseljosko zbog nebezbedne uslovi stanovanja.
Odgovor but lungo periodo na dobisardam, dži kana na akharde amen pe sastanko ko 5. april 2021. brš. Prilikom akale sastankosko čak istaklisardam kaj isi amen donatorura vaš modularne kontejnerura, samo kaj kodo pučipe što sig te rešisarel pe thaj manuša te sklonin pe katar nebezbedno lokacija. O foro trubusardas te obezbedil lokacijske uslovi vaš akala kontejnerura, e pristuposa dži pijaće paj thaj struja, kaj pre svega e čhavorre nastradime ando požaro te oven len makar kozom-tolko adekvatnije uslovi vaš postbolničko oporavko, s obzirom pe baro stepen opekotinengo, kaj nesave čhavorre sas len čak dži 80% opekotine e morćake.
O foro rodil katar amende, s obzirom kaj naj ande mogućnost te obezbedil socijalne stanura vaš e stanovnikura naseljoske, te pomožisaras e stanovnikuren kaj zajednički te bičhalen potpisime molba e Foroske, savjaja izražavin piro pristanak kaj sar privremeno rešenje prihvatin dživdipe ande modularne kontejnerura.
E molba sastavisardam, e stanovnikura naseljoske la potpisinde thaj istu prosledisardam e kabinetoske e gradonačelnikoske ko 9. april. Katar kodo djes odgovor na dobisardam, bez obzira pe pregršt mejlova thaj pozivura save bičhaldam e kabinetoske e gradonačelnikoske, dok e povredime čhavorre još uvek si ande katastrofalne uslovi, bi strujako thaj bi pajosko, e phare opekotinencar.
Takođe, vi Sekretarijato vaš zaštita e životna sredinaki na odgovoril pe amaro zahtev. Soske sa ćutin?
Da li romske dživdipa toliko cikno vredin? So akala čhavorre skrivisarde? Soske nadležne institucije ćutin thaj na keren khanči kaj te obezbedil pe minimum egzistencije vaš akala manuša thaj akala čhavorre, kaj već jekh čhavoro tragično nastradal?
O Pokreto paćal kaj šaj maj lačhe. Zbog kodo naj sam sigurne kaj o foro kerdаs sa so si ande leski moć, thaj steknisardam utisak kaj namerno odugovlačil pe e rešavipaja akale problemaske, kaj vov protokom vremena te postanil još jekh katar nerešime thaj bisterde problemura.
Amen katar jekh rig razumin kompleksnost akale problemaske thaj potencijalne problemura ando lesko rešavanje, ali katar aver rig našti te razumin zanemarivanje e čhavorrengo dživdipasko, koliko god kaj si tema kompleksno. Ando akava smisao brinil amen odgovor katar savo na razumin ni so si dži akana kerdino, ni so ka kerel pe, ni kaj si zapelo.
S obzirom pe kodo kaj o foro amen akhardas pe sastanko, thaj s obzirom pe kodo kaj von katar amende rodinde molba, našti te razumin avakvo ponašanje. Najcikno so ando akava momento šaj te kerel pe si te phenel pe otvoreno so god kaj si ando pučipe. Ande suprotno, nedopustivo si kaj pe than e gradonačelnikosko te ovel manuš savo zanemaril pire građanuren.
Amaro Pokreto akale prilikom akharel e gradonačelnikos Radojičić pe obaveza — moralno, sar čhavorrengo doktoro, ali vi zakonsko, sar čelnik Beogradesko — te ikljol thaj te phenel amare zajednicake dži kaj reslo pe ando rešavanje akale problemaske.
Nedopustivo si kaj gradonačelnik zanemaril pire građanuren, a još maj nedopustivo si kaj čhavorrengo doktoro, sar so si Radojičić, khelil pe e čhavorrengere dživdipencar. Ando akava smisao smatrisaras kaj trubul otvoreno te phenel pe so god kaj si prepreka ando rešavanje akale problemaske.
Ande suprotno, smatrisaras kaj si korektno kaj gospodino Radojičić te del ostavka thaj than e gradonačelnikosko te mukhel nekas save maj odlučno ka boril pe vaš dživdipa e Beograđanengo thaj savo na ka zanemaril e dživdipa e beogradske čhavorrengo zbog “kompleksnost e problemaske”.
OPRE ROMA SRBIJA