O dijalogo e Predsednikosa katar e Srbija Aleksandar Vučić
“ Pokret Opre Roma Srbija kerrda video dijalog e predsednikosa katar e Republika Srbija, o Aleksandar Vučić. E dijalogos sas baro dikhlimos. Opral jekh miliono manuša dikhlja e objava sikadi dromesa katar e face book rig Opre Roma Srbija. Sas opral 1500 dzene andaj intrego Srbija ande online tinda e precednikosa katar e Republika Srbija, savenca krisarrda. Pašaj kodoja pe face book rig Opre Roma Srbija o live dikhlja opral 25000 dzene thaj kodova brojo barjol. Sa medijurja krisarenas andaj kadaja. O dijalogo kerelas svato andav bućaripe, preduzetništvo thaj andav than e Rromengo ando javno trajo, politika sar vi sajekhipe. Kadava svato inklista andaj amari andraluni kris e Rromane amalimasa. O Predsedniko sas putarrdo te ašunel amare gindurja thaj xarrniko si te lel pe peste nesave buća andaj save kerrdam kris:
1. Kana si o svato andav sikavipe thaj bućaripe o Predsedniko gendil ke naj mišto palaj Srbija te e Rrom ačhen maj rigarrdo amalipe katar o tržište bućako, numa te godjaverimasa bućarrenpe so maj but peske zorjasa palav cikno thaj maškaruno biznis. Maj phenda ke si e Rrom važno ekonomsko baripe katar e ekonomija Srbijaki, ke si e Rrom gdjaver, vrjanjike, xarrnike thaj ke musaj sar e Phu maj but te keras palav kodova pušipe. Maj phenda: “ Kazom kamas te boldas e Srben ande Srbija, kadja musaj boldas vi e Rromen, ke sićile čhiba thaj dzanglimata save si važne palaj amari ekonomija”. Getome si te kerelpe amalipe savo čhinavela neve krisarimata, neve Vladasa. Opre Roma Srbija e kancelarijasa palaj Rromane inicijative ( Fondacija palav putarrdo amalipe), dela predipe palav sićipe bućango save si maj-anglune ando them sar vi strukake obuke palaj kodola buća.
2. Kana sas dino o svato andaj politika, pušljam andav poćinipe katar e krrla. O Predsedniko katar e Republika sas xarrniko te thol peske stranka te krisarel amare pokretosa thaj edukujil šerutnen ande stranka te na keren kodola buća thaj da svato ke anela rrndo maškar lende. O Predsedniko phenda ke e Rrom naj but bućarrde ande državaki administracija, aj si but sikade, thaj da svato ke ande nevi Vlada dikhljolape te kodova problemo lačharelpe.
3. Palav pušimos - Rrom thaj vortipe, o Predsedniko phenda ke anela zurale mere save arakhena e Rromen katar bilo save manuša vaj ekstremno ćaće vasteske dženem save napadin e Rromen. Po gor, O Predsedniko katar e Srbija avela ande peticija Opre Roma pokretosa sar o ažutimos pokretonenge ando SAD protiv o rasizam savo si bijando mudarimasa katar o Georg Floyd. O Linko sako celo dijalog