Počelo prijavljivanje za 100 evra
“ Punoletne foroneske katar e Srbija saven si than ande phu e šaimaske lične kartake, de zorate šaj prijavinpe palaj 100 evrjurja dromesa katar o internet. Paraštujalar 15, marto, avela šaimaski prijava vi dromesa katar o telefono. Ande li duj slučajurja o roko inklel ando 5. juno. De lujinara pherelpe numa o JMBG thaj brojo katar e lično karta, losarimasa katar e banka kaj kamen te “pašljon” tumenge e love, vi gendimasa dal khotek si tumen putarrdo računo. Pe internet rig katar e uprava palav trezor punoletne foroneske već šaj akharen pen palaj penge 100 evrjurja. E procedura si loki. Palav pheripe katar o JMBG thaj o brojo katar e lačhi lično karta, ando perimasko meni losaren o anav bankako ande savi e forones si putarrdo računo vaj naj al kamel ande late te vazdel peske 100 evro. Palaj kodoja o sistemo sikavel thodine podatkurja, thaj del te maj jekhdakta šaj proveril pes o lačhimos katar e podatkurja. Kana vi kodova paso lelpe e prijava si lini. Palav goripe katar nesave minuturja katar e prijava, šaipe si te dićolpe dal si tumare podatkurja andine ando sistemo. Nesave foroneske lenapenge ekšel evro i bi prijavako, automatski. Maj dur si svaturja andaj bidžanglimata: Savo lel 100 evro bi akharimasko? Penzionerja thaj kola save len o socijalno ažutimos naj musaj te akharrdon pen. Von e love len po računo automatski ando 15, majo. Te na avela len računo ande banka, avela lenge putarrdo jekhtovarrno ande Poštansko štedionica, savo avela mudarrdo sar vazdena e love. Penzionerja save našti akharen pen si vi korisnikurja katar e xarrne vrjamako predope, invalidurja bućake, dujto thaj trito kategorija, aver džanes ačhadi bućarimaski zor. Von e love len po računo automatski ando 15, majo. So si e devizne penzionerenca? E foroneske save len e penzija andaj aver phuja musaj te akharrdon pen online var dromesa katar o telefono. Savo musaj akharrdol pes? Sa foroneske save si po džes 24. Aprili 2020. thaj sas len 18 brš thaj aktivno traipe ande phu, lačhe lične kartasa, a te na aven penzionerja katar o fondo PIO thaj lisarrne katar o socijalno ažutimos. Kola save len averdžangluni fajta katar o socijalno ažutimos vi von musaj akharrdon pen te šaj len e love. Musaj te avel man than ande Srbija? Ba. O šaipe palaj ekšel evro si numa e punoletne foroneskeren Srbijake ( te aven punoletne po džes 24. Aprili 2020.) aktivne thanesa ande Srbija e šaimaske lične kartasa. So te nakhlja mange e lično karta? Saves naj lično karta našti vazdela e love. Numa kola savenge e lično karta inklista ande e vrjama katar o vanredno stanje ( maškar 15. mart thaj 6. majo), šaj akharrdona pen thaj vazden e love bi kerimasko katar e neve peske lila. Punoletno sim aj naj man lično karta? Bi lične kartako naj šaipe palaj prijava lovengi. Naj man konto ande banka, aj po drom katar o akharipe musaj pherav o anav bankako? Koles saves naj konto ando musajno than po sajto upravako palav trezor pherel o anav bankako ande savi kamel te vazdel e love. So te e mreža zabaguila ande prijava? Pe internet rig šaisarrno si te dikhelpe dal o foronesko mišto akharrda pes, vaj, dal si leske podatkurja mišto pherrdine ando sistemo. O palpale svato lel pe pherimasko katar o JMBG thaj brojo lične kartako. Si šaipe akhar o problemo e funkcijasa katar e aplikacija vaj proces katar o poćindipe ažutimasko, numa voj avela šaimaski tek katar o 15. majo, avela šaimos vi telefonske dromesa. Kana 100 evro pašljola po računo? Palaj domaće penzionerja thaj kola save len o lovengo ažutimos poćindipe katar e 100 evro teljarel ando 15. majo. Palaj aver punoletne foroneske saven si pravo palav kava ažutimos, poćindipe avela sukcesivno, pe sa jekh panč džes. Palav poćindipe ažutimasko katar e 100 evro punoletne foroneske Srbijake andav konto si čhinado 60 milijarrde dolarja.