Haliti akharel pe prekid e govoroskо e mržnjako thaj ekstremizmosko ande Bujanovac, thaj rodel izvinjenje vaš e romska zajednica katar odborniko e Alternative vaš promene.
Mensur Haliti, direktoro vaš demokratija thaj upravljanje ande Fondacija vaš otvoreno društvo, akharel pe momentalno prekid e govorosko e mržnjako thaj ekstremizmosko katar odbornikura e Alternative vaš promene, sar vi lengoro izvinjenje e romska zajednicake ande Srbija.
Ando novinsko članko Bujanovačke, odbornikura e Alternative vaš promene navodin kaj “izgradnja stanova vaš e Rroma katar Kosovo si opasno vaš Albance thaj kaj isi la cilj te promenil etnička struktura ande Bujanovac, sar vi kaj e Rroma si ratne zločincura thaj silovatelja”.
Pre svega, važno si te razumin pe zabrinutost thaj dar sa e rigenge. Međutim, govoroske e mržnjake thaj ekstremizmoske naj than ande amaro društvo. E Rroma nikad na sas zločincura niti silovatelja, nego sas masovno progonime katar Kosovo, pal soste svedočil iskustvo e Rromengo thaj sa međunarodno zajednica.
Akala činjenice našti te opovrgnin pe fabrikovanjem hohajimata thaj zamenaja teze. E Rroma doživisarde nezamislivo manušikani tragedija bare razmerengo tokom rato pe Kosovo ando 1999. brš. Katar oko 150.000 Rroma, maj but katar 100.000 sas primorime te roden bezbednost thaj sklonište vaš pire familije.
E Rroma delisarde sudbina e narodencar save sas meta napadengo thaj progonengo, a vi adjes si, iako kodo ignorisil pe. Silovime, nestale thaj mudarde Rromenge na del pe počast, thaj još khonik na pučel pučipa moralno thaj politička odgovornosti vaš stvarne organizovane zločinura save sas počinime nad Rromenge.
Zbog kodo na dozvolisaras nikaske te izražavil nepoštovanje prema amare žrtvengo zločinura, a posebno na te dozvolisaras kaj hohajmata thaj mržnjaja zloupotrebljuil pe amaro iskustvo vaš ostvarivanje nečije političke ciljonengo.
Akava si još jekh katar značajne testura vaš Srbija. Da li e država thaj nadležne organura ka preduzmin hrabro thaj odlučno akcija kaj te sprečin dalje nasilje thaj te unapredin jedinstvo thaj razumevanje?
Akhara e država thaj nadležne organura te zaštitin hakaja thaj slobode e Rromengo thaj te osigurin lengiri bezbednost ande Bujanovac. Takođe, akhara e država te zauzmil čvrsto stavo protiv govorosko e mržnjako thaj ekstremizmosko.
Akava uključil pozivanje pe odgovornost okolen save koristin govor mržnje vaš pire ciljeve, sar vi pružanje podrška e žrtvenge diskriminacijake thaj nasiljeske. Kodo takođe značil buti pe sprečavanje širenje ekstremističke ideologijengo thaj promovisanje kultura poštovanja thaj inkluzivnosti ande sa aspektura društvoske.
Svesne sam kaj trenutna situacija ande Bujanovac si složeno thaj kaj e romska zajednica si uhvatime ande unakrsno jag thaj opasne namere nesave ekstremne desničarenge. Međutim, amen sar Rroma sam spremne te zaštitisaras amen, ali vi te keras buti averencar pe promovisanje maj mirno thaj maj skladno društvo.
Akhara pe prekid e podelengo thaj destruktivne retorikako e ekstremne desničarenge protiv e Rromengo.
Promovisanjasa dijalogo, razumevanje thaj poštovanje sa e članurengo e zajednicake, šaj te izgradisaras maj zorali thaj maj jekhutni Srbija vaš sa.