Protesto anglal e češko ambasada. E Rroma na ka ćutin!
Građansko pokreto Opre Roma Srbija adjes organizisardas prvo ando nizo protestura zbog meripe e Stanislav Tomašesko, Rrom katar Češko Republika, savo ko 19. jun akale bršesko sas mudardo katar policija ando češko foro Teplice.
Protestura ka organizuin pe vi ande aver forura ande Srbija.
Opre Roma Srbija, zajedno e okuplime manušencar, predaisardas pire zahtevura e ambasadake e Češko Republikako ande Beograd.
Meripe e Stanislav Tomašesko katar policija ando foro Teplice ande Češka si poslednjo primer policijska brutalnost savi e Rroma pretrpisarde. Akava si phuv savi sistematski sterilisardas Romkinjen thaj oslabisardas obrazovanje romske čhavorrengo. Akava si phuv ande savi o predsedniko si otvoreno rasistički nastrojime, thaj čijako premijero upravo zahvalisardas e policijake pal kodo so desisardas e Stanislav Tomašeske.
O Dujto svetsko rati sas vrhunco e romske patnjako. Neprijateljstvo thaj nasilje save pretrpisarde romske preci, nažalost, nastavil pe dži adjes, kana Stanislav Tomaš brutalno sas mudardo.
Ande poslednje nekoliko brša, e Rroma si svedokura sve češće policijska brutalnostake. Koren e policijska brutalnostako protiv e Rromengo si anticiganizmo, specifično forma e rasizmoski prema Rromenge, savi proizilazi katar iskrivljime percepcija e većinaki pal e romske zajednice širom Evropa.
Rezultato e sistemsko rasizmosko prema Rromenge anelas dži meripe e Rromesko ando foro Teplice, ande Češka.
Bi obzira pe način sar o događaj odvijisardas pe, pripadnikura e romske zajednicengo katar sa Evropa smatrin kaj avakva vrsta ponašanja ande institucija vaš sprovođenje e zakonongo si duboko osuđujuće.
Zahtevura prema Češko Vlada save akale prilikom predaisarde pe ambasadake si:
• nezavisno sprovođenje istraga ande vezi e meripasa e Stanislav Tomašesko,
• stvaranje nezavisno komisija savi ka izložil policijska pravila thaj stvarna policijska praksa ande romske zajednice.
Promene save e romska zajednica kamel te dikhel si:
• Odgovornost thaj pravda — policajcura trubun te odgovarin vaš nezakonite prakse save anen dži nesrazmerne mere protiv pripadnikura manjinske zajednicengo,
• te proširil pe broj e Rromengo angažime ande strukture vaš sprovođenje zakonongo,
• maj zorale provere ando proceso zapošljavanje policajcurengo, odnosno te osiguril pe kaj na si povezime e krajnje desničarske, fašističke thaj populističke organizacijencar,
• bavljenje e kulturaja e rasizmoski savi egzistiril ande policijske institucije thaj pružanje antirasističko obuka policajcurenge kaj te uklonin pe predrasude,
• te ukinil pe rasno profilisanje bilo savi vrsta thaj te osiguril pe kaj sako građanino isi les pravo kaj agentura vaš sprovođenje zakonongo jednako te tretirin les,
• te stvorin pe thaj te den pe puno mandato nezavisne institucijenge kaj te istražuin policijske zločinura, sar so si policijske odborura vaš vođenje civilno društvo.
Rasizmo mudarel!
E Rroma kamen te dživdin!
#ROMAVANTTOLIVE #EROMAKAMENTEDZIVEN #RACISMKILLS #JUSTICEFORSTANISLAVTOMAS #opreromasrbija #ORS