Gradonačelnik ignorisil vi preporuka e Povernikoski vaš zaštita e ravnopravnosti!!!
Sar so si javnostake već džanglo, o Pokreto Opre Roma Srbija aktivno, katar o prvo djes, pratrisarel razvoj e situacijako ande vezi e nesrećaja savi desisardas ko 12. mart ando beogradsko romsko naselje pe Čukarica, kana prilikom eksplozija e dalekovodoski šovoro čhavorre zadobinde phare povrede ande forma opekotine, a katar posledice akale povredengi jekh čhavoro vi merdas.
Pored niza dopisura, saopštenja thaj javno akharipe pe odgovornost, predstavnikura e Pokretoske pal akaja tema razgovorisarde vi e poverenicaja vaš zaštita e ravnopravnosti ko 19. 3. 2021. brš.
Akale prilikom razgovorisardam pal e bilačhe uslovi dživdipaske ande akava naselje, sar vi pal e činjenica kaj akava nesrećno slučajo si jekh katar najphare, pre svega zbog kodo kaj si ando pučipe čhavorre save si phare povredime, a, nažalost, jekh čhavoro vi preminisardas.
Posebno ukazisardam pe problem stvaranja divlja deponija građevinsko materijalosko ande akava neformalno naselje, savo dikhel pe ando odlaganje građevinsko šutosko paše o dalekovodo, kaj o nivo e phuvjako reslo pe nebezbedno duripe katar e žice e dalekovodoske. Kodo anel ande opasnost sakone save bi odori nakhle, thaj kodo si uzrok e strujno udarosko savo si uzrok e nesrećako.
O Povernik vaš zaštita e ravnopravnosti ukazisardas kaj ravnopravno ostvarivanje e hakajesko pe adekvatno životno standardo thaj adekvatno stanovanje si garantovime brojnim domaćim propisencar thaj međunarodne dokumentoncar save promovišin thaj garantuin manušikane thaj manjinske hakaja.
Zbog kodo, ko 24. 3. 2021. brš, palo održime sastanko amare Pokretosa, Povernik bičhaldas Preporuka mera vaš ostvarivanje ravnopravnosti e Foroske Beogradeske, thaj kodo kaj o Foro Beograd hitno te preduzmel mere ando okviru pire nadležnosti kaj te uklonil pe divlja deponija građevinsko materijalosko ando romsko naselje Čukarica, thaj te obezbedin pe bezbedne uslovi vaš dživdipe thaj stanovanje ande akava naselje, dži pronalaženje adekvatno rešenje vaš stambeno zbrinjavanje ande skladu e međunarodne standardoncar.
Ikljovipaja pe teren thaj razgovorosa e stanovnikurencar e naseljoske zaključisardam kaj khanči pal akava pučipe na si kerdino, so si poprilično čudno s obzirom pe kodo kaj, prema izveštajura e Povernikoske vaš zaštita e ravnopravnosti, prosečno 90% organura postupin pe pal preporuke akale institucijake.
Soske o gradonačelnik ignorisil preporuka e Povernikoski vaš ravnopravnost?
Soske o gradonačelnik ignorisil e romska zajednica?
Soske o gradonačelnik ignorisil e dživdipa e romske čhavorrengo?
Amaro Pokreto već ando saopštenje katar 6. maj akale bršesko akhardas e gradonačelnikos Beogradesko te objasnil e romska zajednicake ande Srbija soske si e Foroske Beogradeske toliko komplikovano te rešisarel akava problem, ili, ande suprotno, te podnesil ostavka thaj pozicija e gradonačelnikoski te prepustil nekas save beskompromisno ka zalagal pe vaš e dživdipa e građanengo.
O Pokreto Opre Roma Srbija, sar predstavniko e romske zajednicako ande Srbija, ačhel zorales uz amare manuša, thaj spremne sam te keras sa so si ande amari moć kaj akaja situacija na te završil pe pe akava, thaj kaj ando buduće na te hasaras e dživdipa e čhavorrengo zbog nemar ili ignorisanje e manušengo save amen birisardam thaj save amen poćinas kaj te omogućin amenge bezbedne uslovi vaš dživdipe.
Pravda vaš Nemanju!
OPRE ROMA SRBIJA