Delujisaras preventivno thaj ovas odgovorne prema amende thaj averenge!
Telefonura e epidemiološka službake vaš sa informacije
Specijalno numero e Ministarstvosko vaš sastipe vaš pučipa ande vezi e koronavirusosa: 064 8945 235
Instituto vaš javno sastipe Srbije “Dr Milan Jovanović Batut”: 011 2684 566
Prevencija e nasvalipaski
Thoven tumare vasta često sapunosa thaj pajesa najmanje 20 sekundura. Ako naj tumen paše sapuno thaj paj, koristin sredstvo vaš dezinfekcija e vastengi saveste isi najmanje 60% alkoholo.
Izbegavin te dodirinen jakha, nakh thaj muj.
Izbegavin pašo kontakto e nasvale manušencar.
Ako kašljinen ili kijinen, koristin rukavo ili maramica. E maramica odmah čhiven ande phandli kanta vaš đubre thaj thoven tumare vasta.
Čistin površine redovno sredstvosa vaš dezinfekcija. Na primer, uvek čistin kuhinjske površine thaj radne stolura.
Ako na osećinen tumen lačhe
Izbegavin putovanja ako isi tumen temperatura, odnosno ako kašljinen.
Kana resen khere, obratin tumen doktoroske thaj phenen leske kaj sanas.
Ako na osećinen tumen lačhe, ačhen khere thaj akharen zdravstvena ustanova.
Pal e maske
Inđaren maska ande akala slučajevura:
Ako san zdravstveno radniko savo lečil nasvale katar COVID-19.
Ako san sasto, ali brinin tumen vaš manuš vaš savo sumnjil pe kaj si zarazime koronavirusosa.
Ako kašljinen ili kijinen.
Maske si delotvorne samo kana koristin pe zajedno e čestone thovipaja e vastengo alkoholno sredstvosa vaš dezinfekcija ili sapunosa thaj pajesa.
Ako inđaren maska, onda trubul te džanen sar pravilno te koristin la thaj sar pravilno te čhiven la.
Korisno linko
Video
Postupanje e rastuća anksioznostjaja ili stigmosa
Svesne sam kaj tumare zajednice šaj te osećin anksioznost, stres ili dar. Akate si nekoliko savetura save šaj te len ando obzir thaj te delinen e članurencar tumare zajednicake.
Normalno si te osećinen tuga, stres, zbunjenost, dar ili holi tokom kriza.
Pomožil te razgovarinen e manušencar savenge paćan, sar so si amalja, familija ili članura e zajednicake.
Ako trubul te ačhen khere, vodin sasto dživdipe, uključujući pravilno habe, sovipe thaj vežbanje.
Ačhen ando kontakto e voljenone manušencar save si khere preko e-pošta thaj telefono, thaj povežin tumen tumare maj bare Fejsbuk zajednicaja vaš podrška.
Na pušin, na konzumirin alkoholo ili aver narkotikura kaj te suočin tumen tumare emocijencar.
Ako osećinen kaj si tumen previše pharo, razgovarinen e zdravstveno radnikosa ili savetnikosa.
Imajte plano kaj ka džan thaj sar ka roden pomoš vaš fizičko thaj mentalno sastipe ako trubul.
Oslanjin tumen pe činjenice. Prikupljinen informacije save ka pomožin tumenge te tačno utvrdinen tumaro riziko, kaj te preduzmen razumne mere predostrožnosti.
Arakhen pouzdano izvor savese paćan, sar so si veb-lokacija e Svetska zdravstvena organizacijaki — SZO — ili lokalna ili državno javno zdravstvena ustanova.
Kana objavinen ande tumare zajednice, postarajin tumen te delinen najnovije činjenice katar pouzdane izvorura, izbegavin preuveličavanja thaj sikaven solidarnost e nasvale manušencar, avakha so ka dozvolinen ande tumare zajednice kaj manuša save si nasvale katar viruso te delinen pire priče.
Naravno, pazin te na delinen informacije pal e zdravstvene brige aver manušeske — sar so si manuš nasvalo katar COVID-19 — bi leske dozvolake.
SZO