Srbija našti te imunizuil pe bi e Rromengo
OPRE ROMA SRBIJA
URGENTNO!!! Saopštenje vaš e medije
SRBIJA NAŠTI TE IMUNIZUIL PE BI E RROMENGO!
O pokreto Opre Roma Srbija adjes, 08.02.2021. ko 18 časura, organizisardas dijalogo e Ministarkaja državne uprave thaj lokalne samouprave thaj e Predrag Konosa pe pučipe: “Da li Srbija šaj te imunizuil pe bi e Rromengo?”
Akava pučipe si najvažnije zbog e katastrofalno situacija ande savi e romska zajednica dživdinel već decenijencar, thaj zbog savi isi la maj baro riziko pod pretnja e Kovid virusoski katar trin ključno razlogura:
1. Mnogo maj bilačho zdravstveno stanje, pal soste vorbil vi 10–15 bršengo maj cikno životno veko ko Rroma ando poređenje e aver građanencar Srbije.
2. Mnogo maj bilačho pristup zdravstvene uslugenge thaj osiguranjeske, zbog nedostatko dokumentonengo, diskriminacija katar medicinsko osoblje, sar vi zbog čororipe.
3. Mnogo maj bilačhe uslovi dživdipeske ande romske naselja, nedostatko pajosko, kanalizacijako, sar vi baro broj manušengo pe cikno prostor ande naselja thaj kherura.
Pored baro dar, nedoumice thaj dezinformacije, o dijalogo sikadas kaj decenije nebrige prema situacija ande savi e Rroma dživdin, anenas dži baro razočaranje. Kodo dikhel pe vi ande neadekvatne mere prevencijake thaj imunizacijake.
S tim u vezi, akava događaj sikadas kaj Srbija našti te imunizuil pe bi e Rromengo, soske pobeda nad viruso zahtevil potpuno imunizacija sa e manušengi.
Međutim, maj baro poverenje ko Rroma vaš imunizacija zahtevil suštinsko promena e stavosko e državako prema romska zajednica thaj prema merama save ande dži mnogo maj pharo stanje ande savo prosečno romsko familija dživdinel ando odnos pe prosečno familija ande Srbija.
E ministarka Obradović prepoznalisardas e phari pozicija thaj zauzalisardas čvrsto stavo kaj akaja situacija mora te promenil pe. Takođe predložisardas nesave katar e angleder korakura ande promena e odnososko e državako prema e Rromenge.
Saste Rroma, sasti Srbija!!!