Genocido kontra e Roma ando Dujto svetsko maripen

Miro alav si Maja Manojlović, katar Petrovac na Mlavi. Bari sem ljubiteljka e avijacijaki thaj knjigengo.

Muri dej često citiril Forbes: “Kana ačhaves te sanjares, ačhaves te živis.” Vodisajvav akale lavenca thaj phirav prema ostvarivanju murre sunengo. Završisardem Avijatičarsko akademija, thaj akana studiriv vazdušni saobraćaj pe Saobraćajno fakulteto ando Beograd.

Kana savoro zaspale, pherindoj o nebesko tamno tavano, ašva perenas tumare obrazestar sar podsetnik kaj postojisarde.

Paše mande ašunen pes tužbalice upral romane grobovia, maškar akala iskasapime kotorija kože. Akaja težina jecajengo si pharoder, a e senke divlje kriknin e uspomene, zoraleseder nego kriko tek bijandone čhavesko.

E gasovia vibririn ando vazduho thaj keren kaj akava momento tumare nemoći dikhol pes sar večnost. Kobor čađi mogline te astaren tumare plućenca?

Bez uspeho kidinen tumen katar godola mreže e meripnaske, čhinen godola dora savenca phandime sen; thaj ipak, ugušime sen, zato kaj arakhlilen tumen maškar lengere najia.

Von na džangline kaj e nade e mudarde čhavenge aviline thaj, e Pandorakere vastenca oko lengere tela, čitrarde prezir, sakatime lava otrovime holjasa.

Trajisarde dži kana e trube na čhivdine tumen pe phuv — gubave, holjame thaj bokhale, izolime katar sa o them.

Sar lolo ponto upral čađavo than e sunengo, savo nežno urušil pes ande šukaripa e meripnasko, ačhile sen pe portreto e vaktosko, čitrime ratesa katar tumare pluća.

Na bijandile tumen te preživinen pokolja thaj nesreće, a ipak trajisarde, razapime maškar dekade sar tetive.

Kana savoro zaspale — thaj akana sen mirne thaj neile — na čezninen vašo them savo potonil ande tamne korita. Akate nikad na sas than vaši sa amen.

Thaj me ka phenav tumenge, tumenge save sas, a akana naj tumen: hiljade jakha phandol pe čitindoj tumaro epitaf, savo ašundol zoraleseder nego molitva tumare dejaki.